Vil ha innspel til planarbeidet i Førde sentrum

Vestland fylkeskommune inviterer no innbyggjarar, næringsliv, organisasjonar og andre interesserte til å kome med innspel til planarbeidet for fv. 601 Storehagen–Angedalsvegen.

Strekninga i Førde sentrum skal få sykkelanlegg og fortau, og det skal byggast ny kollektivterminal i sentrum. Fylkeskommunen startar planarbeidet i august 2026 og ynskjer innspel til reguleringsplanen.

Her finn du meir informasjon om prosjektet og relevante dokument.

Oppstart av planarbeidet og innspel

Innbyggjarar og andre interessentar er inviterte til å komme med innspel, tankar og idear knytt til planprosjektet. Her er det også mogleg å teikne på kartet og legge ved filer. 

Døme på innspel

  • Born, unge, andre interessegrupper: Finst det snarvegar, skumle, mørke plassar, turvegar eller møteplassar det bør takast omsyn til?
  • Naturobservasjonar: Finst det t.d. sjeldne vekster, tre eller insekt i området, eller uønskte vekster? 
  • Observasjonar av flaum eller overflatevatn. 
  • Spesielle tilhøve rundt eigedomar, som innsyn, støy, hage, tilkomstvegar. 
  • Lokalsamfunnet: Kva er viktig for deg i planområdet? Dette kan t.d. vere eit grøntområde, sosiale møteplassar eller ein sti.

Gje innspel til planarbeidet

Første innspelsperiode: 20. august–1. oktober 2026
Andre innspelsperiode: 1. oktober fram til offentleg høyring for eit planutkast

Innbygardialog - gje innspel til planarbeidet i Førde sentrum her

Sist endra 21.08.2026 09.48