Fredag 16. september blir det ei tredobbelt markering ved den nye gang- og sykkeltunnelen i Førde:
- Opning av ny gang- og sykkeltunell gjennom Kletten (tiltak 17 i Førdepakken)
- 10års jubileum for sykkelbyen Førde
- Oppstart av mobilitetsveka i Sunnfjord
TID: Fredag 16.sept. kl.16:00.
STAD: Ved tunellpåhogget på Bergumsida av den nye gang- og sykkeltunellen.
Det blir talar og informasjon om den nye tunnelen, og seremonien er krydra med musikkinnslag før ordførar Jenny Følling står for den høgtidelege opninga. Vi byr også på noko å bite i.
Vi oppmodar folk til å stille med sykkel eller til fots, for etter tunnelopninga går vi i kortesje gjennom den nye tunnelen.
Kletten gang- og sykkeltunnel er ca. 440 meter lang, og gir betre framkomst for dei mjuke trafikantane mellom Førde sentrum og Bergumkrysset. Tunnelen er ein rein gang- og sykkeltunnel, med to felt for syklistane og eit opphøgd gangfelt for dei gåande. Tunnelen vil vere ein attraksjon i Førde, med sin fargerike effektbelysning.