E39 Fjellvegen og Hafstadvegen - tiltak 14Trafikken er kome over på ny del av E39 på delar av Fjellvegen. Kristian Hauståker Type: VegByggestart: Vår 2022Status: FerdigstiltFerdig: Haust 2024Reguleringsplanen for E39 Fjellvegen og Hafstadvegen vart vedteken i Sunnfjord kommunestyre 30. april 2020. Kontrakt på utførelse vart signert i mars 2022, og Entreprenørservice AS vart hausten 2024 ferdige med å bygge prosjektet. Les artikkel frå opninga: Rocka i gang ny torgplass og del av E39Om tiltak 14:Hafstadvegen er bygd om til ei gate der gåande har eigne område å vere på. Det er bygd torgplassar for opphald og aktivitet, mens bilane får mindre plass. Hovudtraseen for sykkel i Førde går gjennom området.På E39 er dei ulike kryssa utbetra, slik at dei vert meir trafikksikre. Begge kryssa med Hafstadvegen er flytta litt på. Det er bygd ny tilkomst for bilar til Lysthaugen, litt aust for bustadane, og tidlegare tilkomst er gjort om til ein gang og sykkelveg.E39 Fjellvegen i retning Førde Hotell. Kristian Hauståker Planområdet går frå krysset ved Førde hotell og til rundkøyringa på Hafstad. Det er gjennomført støytiltak langs heile strekninga. Sist endra 07.03.2025 13.32